ఓటమి

గెలిచినోడి దగ్గరేముంది

గెలుపు మీద వలపు తప్ప

ఓడినోడి కాడ చూడు

ఉన్నదసలు విషయమంతా

వాడి దగ్గరేముంది?

ఓటమంటె భయం తప్ప

వీడి దగ్గర ఉంటుంది

అసలు సిసలు ఆకలంతా

విజయంకై పడే తపన

పడిలేస్తూ పడే వేదన

నేటి మీద కసి ఉన్నది

రేపటిపై ఆశున్నది

గుండె నిండా బరువున్నది

గమ్యంకై పరుగున్నది

కంటి నిండా కలలున్నవి

లోలోపల దాగి ఉన్న దిగులున్నది

ఊరిస్తూ ఉనికున్నది

కడ వరకు కధ ఉన్నది

ఓడినోడి కాడ చూడు

ఉన్నదసలు విషయమంతా