ఇల్లు కట్టి చూడు

ఆరు అడుగల నేలకై ఆరాటం
అంతం ఎప్పుడో ఎరుగని పోరాటం
ప్రొద్దుపొడవగానే మొదలయ్యే పరుగల ప్రస్థానం
చీకటి చేరువకాగ గూటికి చేరే గుండె రవం

వీటుకై చేసిన అప్పు వేసే పోటుతో సాగే పోరు
నెలలు ఏళ్లు అయ్యినా తగ్గదు దాని జోరు
నేటి కన్నా రేపు బాగుండాలని అని ముందుకు నడిపే ఆశ
జీతం రోజు ఇంకా రాలేదని నెలంతా ఎదురుచూపులే! తెలుసా?

పెరిగే ధరలతో పాటు పెరగని జీతాల సెగ
ఇది పెద్ద కోరికలున్న ఉద్యోగి తెగ
నాకంటూ ఓ సామ్రాజ్యం
ప్రతీ మధ్య తరగతి మనిషి చేస్తున్న పోరాటం

గమనిక: వీటు అంటే తమిళంలో ఇల్లు అని అర్ధం.
ఇల్లు కట్టి చూడు - పెళ్లి చేసి చూడు అని నానుడి.