మేలుకో - చేరుకో

అలసిపోయి ఉన్నావా? ఆపకు నీ గమనాన్ని 

ఆగి ఆగి వెళ్ళినా చేరుకో గమ్యాన్ని
వీలైతే విమానం లేకుంటే ధూమ శకటం
కాకుంటే కారులో లేకుంటే కాళ్ళతో 
పాకూతూ, జారూతూ, ఆగుతూ చేరుకో
అలసిపోయి ఉన్నావా? ఆపకు నీ గమనాన్ని
ఆగి ఆగి వెళ్ళినా చేరుకో గమ్యాన్ని 

అందరూ అబ్దుల్ కలాం అవ్వాలని రూలు లేదు
అలాగని దిగాలు పడి డభేల్ దిభేల్ పడ వద్దు
పిండి కొద్ది రొట్టి - శ్రమకొద్ది ఫలితం
ముందుకే గాని వెనకి కాదు నీ పయనం
అలసిపోయి ఉన్నావా? ఆపకు నీ గమనాన్ని
ఆగి ఆగి వెళ్ళినా చేరుకో గమ్యాన్ని 

కూర్చొని తింటే కొండలైనా కరుగుతాయి
కష్టపడి ముందుకెళితే మైల్ల్లైన  తరుగుతాయి  
దూరంతో బేరమేల? ప్రయత్నం ఉంటే చాలు కద!
అలసిపోయి ఉన్నావా? ఆపకు నీ గమనాన్ని
ఆగి ఆగి వెళ్ళినా చేరుకో గమ్యాన్ని
    
గమనిక: ఈ కవిత స్వామి వివేకానందుడి పుట్టిన రోజుని పురస్కరించుకొని వ్రాయడం జరిగింది. అందుకు వారి యువతకి ఇచ్చిన నినాదంలోంచి ఈ కవితకి పేరు పెట్టాను. తప్పులును మన్నించమని మనవి.    
  
 

Suicide

One moment too hard
One moment too painful
One moment unbearable
One moment tearing your soul
If only you could just hold on!

One moment when all strength drained out
One moment when all hope lost in storm
One moment when all faith gone with the dust
One moment when everything seems to be lost
If only you could just hold on!

The days that filled your heart with pain
The events that lead you to this dreadful decision
The people that drove you to desperation
Only your heart knows it all;
Only you can endure that thorn strewn path
If only you could just hold on!

We are not here forever!
How can our problems over last us?
Talk to a friend or a stranger; listen to a song
Take a stroll; meet the sea;
Read a poem; take a break; go to a temple. Why not?
Do whatever you want
But if only you could just hold on!

May be it will be solved; may be it will not
May be you have to live with it forever
May be the days will be better or gloomier
May be it's winter ahead or spring coming
But surely it would be worth it to have held on
Just one more moment - if only you could just hold on!

మధ్య భూతం

 తరిమి తరిమి కొట్టండి 
తాగుడు అనే వ్యసన్నాని 
తరిమి తరిమి కొట్టండి 
తాగుడు అనే భూతాన్ని  

రోజు కూలి ఇంటి నుండి రారాజుల ఇళ్ళ వరకు 
ఎన్నెనో కన్నీళ్ళు - అలుపు ఎరుగని గృహ హింసలు
నువ్ కూల్చిన కాపురాలు - బూడిదైన జీవితాలు 
మోడు బారి ఎండిపొయిన లెక్కలేని లేత గుండె చప్పుల్లు 

మహిళలరా! మా కంటి దివ్వెలార!
మము కన్న తల్లులార!
అమ్మలారా అక్కలారా!
ఎన్నాళ్లీ  గుండె కోత?
నడుము కట్టి పిడికిలెత్తి నడ్డి విరిచి పంపడి 
మీ బ్రతుకుల వెలుగులన్ని మీకు మీరే తెచ్చుకోండి 

గద్దెనెక్కి కూర్చున్న పెద్దలారా!
గెద్దలా మారి మధ్యంతో మభ్య పెట్టు నాయకులారా!
ఆపండి - ఈ దారుణ మోసకాండ
ఒక పక్కన ఉచితం అంటూ మరు పక్కన మధ్యపు ఏరులు
ఎన్నాళ్ళీ చిత్ర హింసలు?
చేతులెత్తి జోడిస్తాం - వినకపొతే జోడు తీసి దవడ విరిచి చూపిస్తాం 

తరిమి తరిమి కొట్టండి 
తాగుడు అనే వ్యసన్నాని 
తరిమి తరిమి కొట్టండి 
తాగుడు అనే భూతాన్ని

P.S. - These thoughts are about drinking addiction. While as a personal choice I don't take alcohol, I know there are enough people who are nothing but responsible social drinkers. I have only one request for such people - don't drink and drive.

మాతృదేవో భవ

అదేంటో అమ్మ, నాకు నచ్చిన కూర నీకు ఇష్టం ఉండదు
నాకు ఎక్కువ పెట్టాలి కదా!
అదేంటో, నాకు బాగా ఆకలి వేసిన రోజు నీకు ఆకలి సరిగ వెయ్యదు
నేను ఎక్కువ తినాలి కదా!

నువ్వు నా రెండు చక్రాల బండి ఎక్కి వెనక కూర్చున్న మొట్ట మొదటి రోజు
నీకేం కాకుండా నేను జాగ్రత్తగా నడపాలి అని నే పడ్డ తపన
పది నెలలు నన్ను మోస్తూ నాకేం కాకూడదని నువ్వు పడ్డ మనో వేదన జ్ఞప్తికి తెచ్చింది
నా పిచ్చికి నాలో నేనే నవ్వుకున్నా.  

నీ పుట్టిన రోజు ఎప్పుడో తెలిస్తే బాగున్ను 
తెలిస్తే ఏం  చేస్తావు అని అడుగుతావా?
ఏం చెయ్యను? - ఏం చెయ్యాలో నాకు తెలీదు. 
అందుకేనా నీ పుట్టిన రోజు నీకు కూడా తెలీదు?
అయినా చావు పుట్టుకలు దేవుడికైనా ఉన్నాయోమో కాని అమ్మకి లేవని నా నమ్మకం.  

అందరి కంటే నేను ఎక్కువ చిరాకు పడేది ఎవరి మీదనో తెలుసా? నీ మీదనే. 
అవును ఇంట్లో ప్రతీ వాళ్ళు నీ మీద కోపం చూపే వారే.
ఎందుకంటే అందరిని మోసే ఆ భూమాత కూడా నీ దగ్గరే సహనం నేర్చుకోవాలని నాకు చెవిలో చెప్పింది. 

ఉహా తెలిసి మొహం మీద గెడ్డం గీసే వయస్సు వచ్చిన  తరువాత నుండి 
నా ఊహా సుందరిలు, కావ్య కన్యలు, బాపూ బోమ్మలు, కలల రాకుమారిలు కోకొల్లలు 
కాని నా ప్రేమ సామ్రజ్యానికి ఏకైక మహారాణి మాత్రం నువ్వు అమ్మ 
అవును నా ప్రేమకి తోలి చిరునామా నువ్వు 
ఆ ప్రేమకి మలి మజిలి కూడా నువ్వే 

తల్లిని ప్రేమించే ప్రతీ బిడ్డకి ఈ కవిత అంకితం 

లాంగ్ కట్

నిన్న ఒక స్నేహితుడు ఉత్తేజ్ వ్రాసి, చదివన ఒక కవిత పంపించాడు.
అసలు video కి లింక్  ఇది:
https://www.youtube.com/watch?v=Jv352avF4YA
ఆ తరువాత సామజిక అనుసందాన వేదికలో ఇది ప్రాచుర్యం పొందినట్టు అనిపించింది.  ఇది నా స్పందన

ఒక్క సారి సీటీ బస్సు ఎక్కి చూడు మిత్రమా
పదుల కిలో మీటర్లు నిలుచొని ప్రతీ రోజు ప్రయాణిస్తాం
పని చేసి పొట్ట నింపుకుంటాం - లాంగ్ కట్

ఊరిలో అమ్మ నాన్న, ఊరి గాని ఊరొచ్చి, చేమటోర్చి,
ఇరుకు ఇరుకు అద్దె ఇంట్లో చాలీ చాలని బతుకులతో ఉంటాం
మెస్సులో తింటాం, ఓవర్ టైంలు చేస్తాం ఒంటరిగా బ్రతుకుతాం - లాంగ్ కట్

కులం పిచ్చి మాకు లేదు బాస్ పెద్దోలకుందేమో 
తప్పులు చేసి, దేవుడి గుడికెల్లి హుండీలో దక్షిణేసి, రక్షించమని 
వేడుకునే బుద్ధి పెద్దలకు ఉందేమో కాని మాకు లేదు
మాది కాని డబ్బు మాకొద్దు, మా కష్టార్జితం మాత్రం మా ఇష్టం 
ఉపాది కోసం, మా భవిష్యత్ పునాదుల కోసం పడి గాపులు కాస్తున్నం బాస్  - లాంగ్ కట్

గవర్నమెంట్ ఆఫీసుకు వెళ్లి చూద్దం పద మిత్రమా
కొత్త ఉద్యోగికి చెత్త బుద్దులు ఎవరు నేర్పిస్తున్నారో
అవినీతిని ఎవరు ప్రోత్సహిస్తున్నారో?

ఒక నిర్భయ విషాదాం జరిగితే మాలో కొన్ని వేల మంది స్పందించాం 
ఒక అన్నా పిలుపునిస్తే లక్షల మంది కదలివచ్చాం
ఐఏఎస్, ఐఐటి, ఐఐమ్, ఎంసెట్ గిమ్ సెట్, ఏదైనా కాని ముందు కెళ్ళడమే గాని వెనక్కు తగ్గం - లాంగ్ కట్

ప్రధాన మంత్రిని అడగు బాస్ మేంమేంటో, పూస గుచ్చినట్టు చెబుతాడు,
వాళ్ళ పూనుకుంటేనే ఎన్నికలో గెలిచానని
అక్కడి దాక వెళ్ళలేను షార్ట్ కట్ లో తెలుసుకుంటా అంటే మన ముఖ్య మంత్రులు, మంత్రులు అన్నాను - రెండు రాష్త్రాలు  కదా, అడిగి చూడు  - లాంగ్ కట్

హద్దు

కోరిక  దాహం తీరని వైనం
కఠినం కఠినం ఆ కాలపు జాలం
అనిచి అనిచి లోపలే దాచి ఉంచి
కుల్లునంతా మరచి కల్లా కపటం
లేదని అనుకొని తనిని తానే
మోసగించుకొనే మూర్ఖత్వం
ప్రతి మనిషీ చేసే వృథా ప్రయాసం 

ఆస్వాదించే అభిరుచి ఉంటే తప్పేముంది
అనుభవించే అత్యాశుంటే అంతెక్కడ్డుంది?
ఈ రెంటికి మధ్యన హద్దులు ఎరిగితే
ఆనందానికి అవధేముంది
శ్రమకి తగ్గ ఫలితము 
కోరుటయే ధర్మము
అడ్డ త్రోవ ప్రయాణం 
విఫలమౌట తధ్యము
నీడ వలె మన కర్మ
వెంటాడును నిరతము
ఎల్లలు ఎరుగని ఊహా జీవితం
ఎప్పటకీ మిగిలేను ఒక స్వప్నం 

విశ్రాంతి

ఆలోచన అంచులు దాటి వ్రాయనీ ఈ కవితని 

వెర్రి ఆశల వెలుగులో వెతుకుతున్న బ్రతుకుని 

గుండె  గూడులో దాగిన గోడుల గాధలని 

మారిన కాలం మరుగున పెట్టిన మమతలని 

ఎండమావుల వెనుక పరిగెత్తక ఉంచుకున్న నిరాశని
మోసుకెళుతున్న సంకెళ్ళు జ్ఞప్తి చేసే నిస్సహాయతని 
గీసుకున్న పరిధులను దాటలేని అడుగులని
చట్రంలో చిక్కుకున్న ఆలోచనా ధోరణని 

కాలంలో కాలిపోతున్నసున్నితపు మనసుని
నా వాళ్ళపై వస్తే కప్పేసిన అసూయ ఛాయలని
మసి పూసిన ముసుగుల మధ్య దాగి ఉన్న మనిషిని 
పొటీ పరగుల మధ్య తీసుకుంటున్న విశ్రాంతిని 
వెర్రి ఆశల వెలుగులో వెతుకుతున్న బ్రతుకుని

Dreamer and Seeker

Through the emptiness of my existence
And the quenching of my thirst
Through the beastliness of my lust
And the benevolence of my love
I am a dreamer and a seeker

Through the insignificance of my action
And the importance of my inaction
Through all the sins deep inside my being
And the good acts that went out to the world
I am a dreamer and a seeker

Through all the castles built in air
And the huts built on earth
Through all the love I gave in vain
And the undeserving love I got in pain
I am a dreamer and a seeker

A heart which takes me is what I dream
A dent before I leave is what I seek
A life of Love is what I dream
A world of Work is what I seek

బైకు బాబులం

బైకు బాబులం మేము బైకు బాబులం
గతుకు దారుల్లో గాలి తిరుగుల్ల వీరులం
కారు సందుల్లో దూరి, దూసుకెళ్ళే ధీరులం
వానలో తడిసి  ఎండకు మండే యోధులం
పొగ ప్రయాణంలో ప్రాణాయామ యోగులం

ఆమడ దూరం దాక ఆగి ఉన్న
వాహనాల వాహినిలో ఈదుకుంటూ 
బయట పడడం మా ప్రత్యేకత
అందుకే  అయ్యాం బైకు బాబులం

ఇంటిలో ఉన్నవారి సంఖ్య పెరిగితే
ఊరు తిప్పడానికి కారు కొనలాని అయోమయం
ఇందన ధరలు ఇబ్బుడి ముబ్బుడిగా పెంచితే
ఇరుకున పడతామని ఆగిపోయాం

ఉద్యోగ స్థలం ఊరికి ఆ చివర ఉంటే
ప్రమాదాలు ప్రతి నిత్యం పొంచుంటే
జీతం సరిపోదు ఇంకో రెండు చక్రాలు పెంచాలంటే
అందుకే  అయ్యాం బైకు బాబులం
బైకు బాబులం మేము బైకు బాబులం

సాఫ్ట్ వేర్ ఇంజినీర్

వారం పొడుగునా ఊడిగం చేస్తాం
వారాంతంలో వంద పెట్టి సినిమా చూస్తాం 
సందు దొరికితే విందు భోజనం
విపరీతంగా పెరిగాం అంటూ విసుక్కోవడం

షాపింగ్ పేరుతో సగం జీతం 
మిగతా మొత్తం ఇంటి నిమిత్తం
హైకుల కోసం వెర్రి చూపులు 
నిద్దర లేస్తే వెధవ పరుగులు 

లంచ్ దగ్గర లక్ష విశ్లేషణలు 
చెయ్యాల్సి వస్తే చెత్త సాకులు
ప్రపంచం అంతా చదివేస్తుంటాం 
పక్కింట్టోల్లేమో పట్టరు పాపం

అన్నీ తెలుసని అనేసుకుంటాం
బావిలో కప్పలా బ్రతికేస్తుంటాం
మిడిమిడి జ్ఞానం మాకే సొంతం 
మేమే మేమే భావి భారతం