జీవిత కాలం

ఎనబై ఏళ్ల పరిమాణం 
తెలియని పరిణామాల తోరణం 
గమ్యం ఏరుగని ప్రయాణం
ఆగని ఆశల బ్రమణం

బాల్యం మొత్తం చదువుల గొడవలు 
యవ్వనమంతా తరగని పరుగులు 
నడి వయస్సేమో అప్పుల నీడలు 
వృద్ధాప్యంలోనూ వీడని పీడలు

ఒక వైపేమో ఆకలి చావుల భాదలు 
ఇటుప్రక్కేమో చుక్కలు తాకే మేడలు  
కొందరికేమో ఎన్నడు చూడని అవకాశాలు 
మిగతా వారు మిన్నును చూస్తూ నిట్టూర్పులు  

ఉన్నది ఒకటే జీవిత కాలం 
మార్పులు చేర్పులు చూడక మానం 
ప్రపంచమంతా మారే వైనం 
ఈ జీవిత కాలంలోనే చూడుట తధ్యం