చర్య - ప్రతిచర్య

కడుపునిండినోడికేమి కధలెన్నో చెబుతాడు
కడుపు కాలినోడి వ్యధ ఎవడడిగేడు? 

బైకు మీద తిరిగినోడు కొత్త కారు కొన్నాక
వెనక వచ్చు పొగ సంగతి మరిచాడు
కాలి నడక వెళ్ళు వాడు కదా
బయట గాలి వల్ల జబ్బు పడతాడు

బిస్లేరీ నీరు మాత్రమే, నేను త్రాగి బ్రతుకుతాను
వాడి కొరకు ఉన్నాయిగా, నే మురికి చేసి ఉంచి ఉన్న నది నీరు
నా ఇంటికి వస్తాయి  బోరింగు నీరు
వీధి చివర, కొళాయి ప్రక్కన పోరు పడుతు అగుపిస్తారు; ఎవరు వారు ?

కుక్క పిల్ల కొనుటకైతే, పాతిక వేలు పెడతాను
పనివాడు అడిగితే - నోరు వెల్లబెడతాను 
పిజ్జా, బర్గరులు నా హక్కు
ఏమైనా మిగిలితే; వాడి లక్కు

కడుపునిండినోడికేమి కధలెన్నో చెబుతాడు
కడుపు కాలినోడి వ్యధ ఎవడడిగేడు?






 

నా కోరికలు

పుట్టిన ప్రతి బిడ్డకి బాల్యం 

పని ఏదైనా పరువుగా బ్రతకడం 

ఆకలేస్తే ఇంత అన్నం

స్పందించే హృదయం 

చేతనైతే సాయం 

సాధ్యమైనంత వరకు నెయ్యం 

గొప్పవారిని గౌరవించే  నైజం 

మంచివారిని ప్రేమించే భావం

కష్టాలొచ్చినప్పుడు హాస్యం  

కలిసొచ్చినప్పుడు ఓ కవిత్వం

చిరు కవిత

ఉనికికై వ్రెతుకులాట

బ్రతుకుకై ప్రాకులాట 

అశాశ్వతాలకై దేవులాట 

ఏమిటీ వింత ఆట?

ఏది నా బాట? 

చంటి పాపకు లాలి పాట

దాహార్తికి నీరే ఊరట 

తోటి వానితొ ఓ మంచి మాట 

మనిషికి మమతే ముచ్చట

ప్రపంచమో పూల తోట 
ముల్లుంటే మాత్రం ఎంటట?

అంతకు మించేమి లేదట!  

ఇదే ఇదే నీ దారట!

అక్షరం

అక్షరం - అది దేవుడు మనకిచ్చిన అందమైన వరం
అనంతమైన దాని లోతు చూడటం ఎవరి తరం?
కారు చీకటిలో దారి వెతుకుతున్న మనిషికి దిశానిర్దేశకం  
గాఢ నిద్రలో ఉనికిని మరచిన సమాజానికి శంఖారావం

కత్తి కన్నా కలం గొప్పది
కాలంతోనే తలబడగలదది
మనిషి మనిషిని మార్చే మహా శక్తి అది
మహా సామ్రాజ్యాలనే కూల్చిన ఘనత గలది

చెడ్డ వాని చేతిలో మారణాయుధం
మంచివాని నోటిలో పావన హోమం
అందరి మంచికి వినియోగించ వలసినది
అక్షరం - అంటే నాశనం ఎరుగనిది  

ఇల్లు కట్టి చూడు

ఆరు అడుగల నేలకై ఆరాటం
అంతం ఎప్పుడో ఎరుగని పోరాటం
ప్రొద్దుపొడవగానే మొదలయ్యే పరుగల ప్రస్థానం
చీకటి చేరువకాగ గూటికి చేరే గుండె రవం

వీటుకై చేసిన అప్పు వేసే పోటుతో సాగే పోరు
నెలలు ఏళ్లు అయ్యినా తగ్గదు దాని జోరు
నేటి కన్నా రేపు బాగుండాలని అని ముందుకు నడిపే ఆశ
జీతం రోజు ఇంకా రాలేదని నెలంతా ఎదురుచూపులే! తెలుసా?

పెరిగే ధరలతో పాటు పెరగని జీతాల సెగ
ఇది పెద్ద కోరికలున్న ఉద్యోగి తెగ
నాకంటూ ఓ సామ్రాజ్యం
ప్రతీ మధ్య తరగతి మనిషి చేస్తున్న పోరాటం

గమనిక: వీటు అంటే తమిళంలో ఇల్లు అని అర్ధం.
ఇల్లు కట్టి చూడు - పెళ్లి చేసి చూడు అని నానుడి.  

వివాహ వేడుక

Written recently during a friend's wedding

ఉత్సాహం కదం తొక్కుతున్న వేళ

ఊరంతా హోరుగా గోల చేస్తున్న వేళ

ఆకాశం లోని చందమామ అరచేతులలో అచ్చుపడుతున్న వేళ

చిన్నా పెద్దా తేడా లేక ఆదమరిచి చిందులేసే వేళ

స్పీకర్లలోని సంగీతం సరికొత్త సరిగమలతో అందరిని ఊరించే వేళ                 

మావిడితోరణాలు మా ఇంటికి స్వాగతం అంటూ ముచ్చటిస్తున్న వేళ

అయినవాల్లంతా అక్కునచేరి ఆనందం అందిస్తున్న వేళ

అవును ఇది వివాహ వేడుక వేళ

రెండు జీవితాలు ఒకరికొకరు బాసలు చేసుకొనే వేళ

రెండు కుంటుంబాలు ఒక కుటంబం అయ్యే వేళ

పరిణితి - పరిపక్వత

పరిణితి పెరిగేకొద్ది పరిపక్వత పెరగనీ

పెదాలు ప్రతినిత్యం ప్రేమతోనే పలకరించనీ

చూపులే చిరునవ్వులు వెదజల్లనివ్వనీ  

చేతనైన సహాయం చేరువలోవున్నవారికి చేరనీ

నీ మేధస్సుతో జరిగే మధనం మానవాళికి మంచిని ముట్టనివ్వనీ

నీ విలాసం ఇతరులకు విలాపం కారాదన్నా విషయం విరివిగా విదితమవనీ 

అహంకారం ఆనందానికి అవరోధమన్న అక్షర సత్యం అవగతమవనీ 

ఈర్ష్యాసూయలు ఇహమున ఇక్కట్లు కలిగించునని ఇంపుగా నీ మనసులో ఇంకనీ 

పరిణితి పెరిగేకొద్ది పరిపక్వత పెరగనీ... 
పరిపక్వతతోపాటు పవిత్రత పదింతలు పెరగనీ!  

విశ్వమానవ భ్రాత్రుత్వం, సర్వజీవ సౌభాగ్యం

విశ్వమానవ భ్రాత్రుత్వం, సర్వజీవ సౌభాగ్యం ఇదే ఇదే నా చిరకాలపు చిరు ఆశ
నా జీవిత కాలంలో ఇది తీరేనా? నా చిరు కల నిజమయ్యేన?
భూమాత ఒడిలో పుట్టిన ప్రతి బిడ్డకు నవ్వులు కలిగేనా?
ఈ ప్రపంచం సుఖ శాంతిమాయమైనా?
విశ్వమానవ భ్రాత్రుత్వం, సర్వజీవ సౌభాగ్యం ఇదే ఇదే నా చిరకాలపు చిరు ఆశ

సొంత లాభం కొంతమానుకొని పొరుగువానికి తోటిపడమన్న గురజాడ మాట పాటిద్దాం

చేయి చేయి కలిపి ఆకలి దప్పుల ఆర్తులకు ఆసరాగా నిలుద్దాం
మనమంతా శ్రామికులం, మనకున్నది ఒకే మతం - ప్రేమ మతం.
ప్రతి వ్యక్తికి అవకాసం; ప్రతి పనికి గౌరవం; తల ఎత్తుకొని తిరిగే సమాజం;
ఇదే ఇదే మన లక్ష్యం కావలి.  

మన మతులు గమ్మతుగా మారే నేడు.
విలువలు, వివేకం, విచక్షణ లేని విద్య మిగిలింది చూడు.
వినేవారేవ్వారు మౌలిక వసతలు కూడా లేని వారి గోడు?
విశ్వమానవ భ్రాత్రుత్వం, సర్వజీవ సౌభాగ్యం ఇదే ఇదే నా చిరకాలపు చిరు ఆశ

అంధకారం నిండిన అవనిలో చిరుదివ్వెలు మనమౌదాం
ప్రేమ పునాదులపై శాంతి సౌధాలు నిర్మిద్దాం

నిరాశ, నిస్పృహలెరుగని మరో తరానికి నాంది పలుకుదాం

విశ్వమానవ భ్రాత్రుత్వం, సర్వజీవ సౌభాగ్యం ఇదే ఇదే మన చిరకాలపు చిరు ఆశ

ఎక్కడున్నది మానవత్వం?

ఎమున్నది మహిలొ? ఎక్కడున్నది మానవత్వం?
ధనవంతుల దాహం దరిద్రుల దహనం
ఉన్నవాడు లేనివాడి ఆఖరి నెత్తుటి బొట్టుని సైతం పీల్చుకొనే సమాజం
మనిషి మరో మనిషిని అమాంతం మింగేసే మృగం
ఎమున్నది మహిలొ? ఎక్కడున్నది మానవత్వం?

ఉనికి అబద్దం; బ్రతుకు వృధా
ఒకరి చెమట మరొకరి పన్నీరు!
నిస్సహయంగా మనలనే చూస్తు ఏడుస్తున్న భూమాత
నిన్న చీకటి; రేపు అగాధం; నేడు ఎందుకున్నదొ తెలియని జీవితం!
ఏం మిగిల్చాం మన భావి తరాల కోసం?

మంచివాడు మూగవాడు
చెడ్డవాడు చాలా అదృష్ఠవంతుడు!
రాబందుల రాజ్యం; జలగల మద్య జీవనం
విద్వంశం సృష్టిస్తున్న మనిషిలోని మృగం
ఎమున్నది మహిలొ? ఎక్కడున్నది మానవత్వం?

Living Life

I have dwelled on things both beautiful and ugly

I have lived life both dull and lively

I have done things both righteous and sinful

I have had days both stupid and meaningful.

I passed through times both miserable and blissful

I learned through means both tough and cheerful

I made others lives both dark and bright

I took things both hard and light

I have in me the men both fearful and bold

I have relationships both warm and cold.

I held beliefs both passionately and loosely

I worked for causes both noble and dirty

But what matters is I live life humanly